على بالي تناديني .. آسفه ماسمعتك زين~!!

على بالي تناديني .. انا آسفه ماسمعتك زين
ولاني أول العالم .. يخيب ظنه وأحساسه ..
.
احسب انك تبيني .. وقلت من هالعين قبل هالعين
وجيتك تايهة الخطوه.. وصدري يشهق انفاسه ..
.
انا والله مدري .. وين انا رايحه وجايه منين
غرابيل الزمن فيني تعدت حد مقياسه ..
.
توهمت بخيال الفكر.. هايمه بين زين وشين
سحابة هم إحتاست مع النسمه ونسناسه ..
.
على هونك ترفق بي.. غريبه وحايره الكفين
عجوله اتبع صدى صوت بسمعي دقت اجراسه ..
.
ترى ماني من اللي .. يعشق اللعبه على الحبلين
وقلبي نيته اصفا من الما لورد كاسه ..
.
صحيح أخطيت .. واعذرني خطاي بسبة الأثنين
رداة الحظ .. وهموم تعاندني بوسواسه ..
.
ولاني من الخطا معصومه.. تدري والبشر من طين
ونفسه تامر بغفله .. ولاهو قاوي باسه ..
.
على كل حال سامحني .. انا ميته من الصوبين
خفوقي عايفن نفسه .. وعيني فارقت ناسه ..
.
تخطيت الدروب اللي .. تباري رحلة الماشين
سراب الشوق ياخذني لزلاتي وهوجاسه ..
.
على بالي تناديني .. وكني سامعك هالحين
ولاقصدي خطأ .. وادري عيون الناس عساسه ..
.
سهيت من الهموم اللي بقلبي.. ورحت مدري وين
على حظ الزمان اللي قلب وضعي على راسه ..

مشكور على الطرح الرائع

شكراااااااااااااااا كتير علي الموضوع
الرائع
ننتظر جديدك ياتغريد

» ع بالي حبيبي ..... اليسا