كلمات اغانى الثورة

اكبر مكتبه كلمات اغاني ثوره 25 يناير2011




اكمل



ادخلوها امنين



بسم الله الرحمن الرحيم
ادخلوا مصر ان شاء الله امنين
صدق الله العظيم

مصر اللي قال فيها الكتب ادخلوها امنين..مستحيل يجرلها حاجه طووول ما ناسها موجودين...مش خايف علي بلدي عشان عارف معدن ناسها... متاكد وقت الجد الناس هي اللي هتحرسها وهيموت اللي يفكر يتجراء يوم يلمسها...جايه الوقت اللي لازم نبقي فيه مع بعضنا
جايه الوقت اللي لازم نبقي واحد كلنا علشان خاطر بلدنا...محتجلنا صف واحد ايد واحده وحلم واحد قلبنا علي بعضنا...
مش خايف علي بلدي عشان عارف معدن ناسها... متاكد وقت الجد الناس هي اللي هتحرسها وهيموت اللي يفكر يتجراء يوم يلمسها...احنا حتي لو اختلفنا اختلفنا منه فينا...مش هنبقل حد تاني يبقي وصي في يوم علينا... احنا اول ام عرفت يعني ايه معني الحضاره...مصر بالنسبلنه نعمه واحنا هنشلها في عيننا




ايهاب توفيق





يالا نرجع مصريين


مصر بتقولنا مصر بتقولنا مصر بتقولنا
يلا نرجع مصريين يلا نرجع مصريين يلا نرجع مصريين
شعبى ولادى كل احفادى ياللى كنتو زمان امجادى
شعبى ولادى كل احفادى ياللى كنتو زمان امجادى
فين انتوا يا مصريين ليه بقيتوا ناس تانيين
يلا نرجع مصريين يلا نرجع مصريين يلا نرجع مصريين
فين المعدن الاصيل فين وولادى ولاد النيل
فين حقيقى روح المصرى فين راح المصرى الاصلى
راحت احلى نجوم على فين تاهت ماتت لا الاتنين
يلا نرجع مصريين يلا نرجع مصريين يلا نرجع مصريين
عمرى ما كانت ديا صورتنا ان نهز فى يوم كرامتنا
احلم خطط نفذ واكبر اسعا معاك الله اكبر
ابنى مصانع ابنى اجيال المصرى بجد يهد جبال
يلا نرجع مصريين يلا نرجع مصريين يلا نرجع مصريين
وفى نهاية رسالتى ببعتلك رسالة
ووشى فى الارض منك
اسف يا مصر هتشوفى بجد ابنك




ابن مصر



هات ايديك يلا فى ايديا شدوا حيلكوا يا مصراوية
يلا همتكوا يا رجالة احنا قد المسئولية
يا ابن مصر يلا بينا خلى مصر فخورة بينا
مهما نشقا ومهما نتعب حقها وواجب علينا
هات ايديك يلا فى ايديا شدوا حيلكوا يا مصراوية
يلا همتكوا يا رجالة احنا قد المسئولية
من زمان وانا نفسى اغنى من اللى حاسه جوه منى
من زمان وانا نفسى اغنى من اللى حاسه جوه منى
عايز اقولها بعلو صوتى مصر ام الدنيا امى
هات ايديك يلا فى ايديا شدوا حيلكوا يا مصراوية
يلا همتكوا يا رجالة احنا قد المسئولية
نفسى اشوفها اعلى واكبر اصلها تستاهل اكتر
كفاية لما بقول انا مصرى بعلى فى نظر الكل وبكبر
هات ايديك يلا فى ايديا شدوا حيلكوا يا مصراوية
يلا همتكوا يا رجالة احنا قد المسئولية
مصر هيا الانسانية صاحية شايلة المسئولية
مصر هيا الانسانية صاحية شايلة المسئولية
حضن دافئ وشمس صافية من الشروق للمغربية
هات ايديك يلا فى ايديا شدوا حيلكوا يا مصراوية
يلا همتكوا يا رجالة احنا قد المسئولية
يا ابن مصر يلا بينا خلى مصر فخورة بينا
اختلفنا فى طرق التعبير عن رائينا بس كلنا متفقين اننا بنحب مصر
اللى يحب مصر ميغررش مصر يلا كله يعلى ونبنى نرفع اسم مصر
مصر محتاجلنا نبص لمستقبلنا ونعليها ونخلص ليها ام الدنيا مصر


انغام




يناير





كنت فاكرة الارض ساكتة والسنين متكررين
كنت فاكرة الجنة ابعد من ايات الطيبين
كنت بضحك قد ما اقدر
كنت شايفة الصورة اصغر بعنيا الضيقين
فجاة هز الدنيا صوتكوا والحياة رجعت بموتكوا
والسنة اتسمت يناير
شيلتوا عن عينا الستاير وانكشف عنها الجميل
درس من قلب الميدان للى خايف من زمان
عيتوا ترتيب المكان واحنا ليكوا مديونين





احمد مكى



اغنيه الراب 25 يناير




كرامة المصرى تسوا عنده كتير نفسه يرجع كرامته والفساد يطير
شفت يا نادر يوم 25 اعظم تاريخ ثوره مصرية على مر السنين
شباب رفع راس مصر لفوق مش لابس طوق
عاوز حقوقه الشرعيه وطلبها بكل زوق
خدلك لفه واتفرج فى ميدان التحرير
هتلقى وشك ابتسم قلبك قرب يطير
شباب فهم معنى الوحده اتحد عمل تغيير
ابن مصر النهارده بعد الثوره اكبر بكتير
متخافيش يا بلادى فى وقت المحنه اتحامى فينا
احنا ولادك يا بلادى هنحطك فى عينينا
جدى وجد جدى استهيدوا فيكى بيحموكى
مش ممكن يجى فيوم احفادهم ينسوكى ويرموكى
واقفين زى الاسود ايد واحده لجل يحرروكى
فيه منهم اللى استشهدوا وبدمهم فادوكى
شكرا لكل شاب قال رايه من غير مايخاف
راجل من دهر راجل خلى العالم بص وشاف
طول مافى فراق وفتنه هتضيع الحقوق
شوف اول ماتحدنا ايد واحده بقينا نسوق
مشيحى مسلم مثقف امى غنى وفقير
ضم كل دول هتافهم فوق بعض اتحول زئير
حتى لو محققناش كل المطالب برضه كسبنا
كفايه ان العالم كله عرف مين احنا
ماهى البطوله والاخلاق متبانش عير فى المحنه
ماهى كل البيوت بقت بيت واحد والله فرحنا

كرامة المصرى تسوا عنده كتير مش عاوز ذل وظلم واهانه عايز تقدير
بلد عنده زى عرضة يخاف عليها يغير
نفسه يرجه كرامته والفساد يطير بيطالب بالتغيير ايوه عايز تغيير
صابر لكن لو انفجرت هكون سلاحح خطير
كرامة المصرى تسوا عنده كتير مش عاوز ذل وظلم واهانه عايز تقدير
بلد عنده زى عرضة يخاف عليها يغير
نفسه يرجه كرامته والفساد يطير بيطالب بالتغيير ايوه عايز تغيير
صابر لكن لو انفجرت هكون سلاحح خطير

لو نزلت ميدان التحرير هتلقى دوله صغيره جوه الدوله
دوله لو حد فيها خبط فيك هيقولك اسف
ولو حد عيز يعدى هيقولك بعد اذنك
ولو حد عايز يشوف بطاقتك هيقولك معلش احنا مضطرين
تسمع كتير كلمه حاسب عشان البنات تعدى
مفيش فيها معاكسه ولا تحرش
لمل المسيحى بيصلى المسلم بيحمى ضهره ولما المسلم بيصلى المسيحى بيحمى ضهره
هيا ديه مصر اللى احنا عايزينها




ابو الليف






فين فلوسى ياد



اه يا لطيف اه يا لطيف

بلدنا إتنهبت قسموا التورته فين فلوسي ياد

وأنا بردان مش لاقي كوفرته فين فلوسي ياد

خلوها خل وعملوها سلطة فين فلوسي ياد

لا وكمان بجحين أوى وكمان أولطة فين فلوسي ياد

إيه يعنى آخد حقي هو المفروض أشحت استلف وأحط جزمة في بقي

وأفضل زي الخروف بتعلف

يعنى آخد حقي هو المفروض أشحت استلف وأحط جزمة في بقي

وأفضل زي الخروف بتعلف

حسبي الله ونعم الوكيل خلاص فقت يا حسابكم تقيل
و حسبي الله ونعم الوكيل خلاص فقت يا حسابكم تقيل

عالم فظيعه ولا هان عليها تكسر وديعه فين فلوسي ياد

ديه مكنتش بلدي ديه كنت عزبه فين فلوسي ياد

كلو بيطلع منها بنسبه فين فلوسي ياد

وانا مش لاقي اقسط فسبا فين فلوسي ياد

اتري النفخه ديه فشره وكذبه فين فلوسي ياد

ايه يعنى آخد حقي هو المفروض أشحت استلف وأحط جزمة في بقي

وأفضل زي الخروف اتعلف

ايه يعنى آخد حقي هو المفروض أشحت استلف وأحط جزمة في بقي

وأفضل زي الخروف اتعلف

و حسبي الله ونعم الوكيل خلاص فقت يا حسابكم تقيل

و حسبي الله ونعم الوكيل خلاص فقت يا حسابكم تقيل

و حسبي الله ونعم الوكيل خلاص فقت يا حسابكم تقيل

لم فظيعه ولا هان عليها تكسر وديعه فين فلوسي ياد

فين فلوسي ياد........... فين فلوسي ياد

فين فلوسي ياد............. فين فلوسي ياد



احمد فؤدا نجم





كأنك مفيش


رائعة جديدة للشاعر أحمد فؤاد نجم


قصيده / كأنك مفيش

كلمات / احمد فؤاد نجم

اداء / مصرى طالع عينه


كأنك مفيش






برغم إن صورك فـ كل الدواير



وكل المداخل وكل المحاور


ومليا الشوارع على كل حيط ..


مطنش علينا وعامل عبيط ..


كأنك مفيش ..


***


يا فرحة قلوبنا رئيسنا ظريف ..


فُكهي ..


إبن نكته ودمه خفيف


فـ عهدك سيادتك فَرَشنا الرصيف


وآخر مُنانا الغُموس والرغيف


وكل أمَّا تُخنُق ندوَّر ..


مفيش !!


***





مسيِّب علينا عصابة حبايبك



فضايح وسرقة ونهب بسبايبك


مابين حزب نجلك ... وهانم جلالتك


وجيش الغوازي إللَّي داير يجاملك


وناملك وقاملك .... وحارسك وأمنك


شبعنا مهانه ... شبعنا لطيش ..!


وأنت .. مفيش !!


***


باعونا فـ حضورك ...


ببركة عِبـيدك وغالي وسرورك


باعوا الأراضي .... وكل المصانع


وباعوا البنوك ....


وقدَّام عِنيك .... صوتنا إتـنبح ..


ننادي عليك ..


إلحق يا ريس : ده باعوا الحديد !!


وأنت منشِّف دماغك عنيد !!


.. كأنك مفيش !!





***



دوشتوا دماغنا " بجمال " طلعتك


ومن يومها وإحنا عَبـيد حضرتك


ما تزعلش إني مواطن أبيح


ورافض كلابك فـ شعبك تطيح


فسادهم يا ريِّس واضح .. صريح


قوم بينا صلّح وفتَّش .. وثور


ح نكتب تاريخك ياريِّس بنور


مش تبقى عايش كأنـَّك مفيش !!


***


ورحمة أبوك .. مادام أنت قاعد


عيب لمَّا عُصبة نَـوَر يسحبُوك


م تُقبض عليهم .... م تقطع إيديهم ..


م تعمل عليهم يا ريِّس شاويش


بدل م انت ساكت وقاعد مفيش


***





ياريس علىّ الطلاق تعبانين !!



ياريس علىّ الحرام كفرانين !!


صبرنا سنين ..


سيادتك مسلطن


وشعبك وناسك بتاكل مسرطن


وتشرب مجاري وميت سم هاري ..


ومش دريانين !!


ما تنهض يا ريس تلم الديابه ؟!!


ده شعبك غلابه ....


ومليان طيابه ...


وهوَّ الشفاعة ف يوم الحساب


وهما البطانة الحُثاله الكلاب


ما يملاش عنيهم غير التراب


وليهم ضوافر


وميت ألف ناب


وواقفين لشعبك ورا كل باب


لإمتى ح تسكت وليه الغياب ؟


ده ياما ممالك طواها التراب





حياتنا ياريس تعب فوق عذاب



يا ريس " شريفك " ماهوَّاش شريف !!


" نظيفك " يا ريس ماهوَّاش نظيف !!


وحتى " حبيبك " ماهواش حبـيب !!


وأنا غصب عني ... خلاص إستويت ..


بـ غـُلبي إنحنيت ...


وطلعان عنيا ... وصعبان عليا


بحسبة بسيطة ومن غير خريطه ..


وكونك مفيش .. لقيت متساويش


ومش فارقه أعيش ...


نويت أشتكيك للِّي فوقي وفوقك


وأصلي الفرايض ....عسى يفـُك طُوقـك


قالولي إللي يسجد عدو النظام !!


حاولت أحكي حالي ...!!


قالولي الحكاوي نميمة وحرام !!


فكرت أكتب ..


لقيتكم سيادتك منعتوا الكلام !!


فقررت أحلم ..





هاحلم سيادتك وأفُك اللِّجام



ولو مش هيعجب سيادتك يا فندم


وصِّي العساكر .... تاخُدني أمَّا انام !!


***


حلمت إني شعب ....!


حلمت إني شعب ومصلوب بطولي


على أرض سمرا


ودمي بينـزف ومليان جروح


وفوق صدري جمرة


يميني مربّط على أرض طابا


شمالي ممسمر فـ "أولاد علي"


ورجلي على جزع نخلة فـ "حلايب"


ومرتاح براسي على حِجْر مصر


وشوفتك ياريس ....كأنك ولي ..


كأنك نبي ..


فـ إيدك عصاية وليك معجزات


وشايل صليبي وبتفـُكني ..





وانا فـ جنَّه خضره .. وتحتي جداول ..



ومن فوقي نور ... وريحة بخور ..


همست ف ودانك بآخر وصيّة :


إنسى إللي فاتك ...


هننسى الأسية ... !!


أمانه عليك ..


حُط الوطن جُوَّه نِنِّي عينيك


كرامة عيالنا أمانة ف إيديك


بحق إللي بينّا يا ريِّس وبـينك


وحَق اليَمِين و" ألكتاب " فى يمينك


بحق الشهيد .. إللي رافع جبينك


وجيش إنتصارك فى يوم العبور


وجيل حُر طالع .... وعدته بدور


لملم عيالك ... وجمَّع فـ مالك


وإسحب " جمالك " وسيبنا وغور