الدين و الكأبة

موضوع: الدين و الكأبة الجمعة يوليو 09, 2010 9:35 am

بسم الله الرحمن الرحيم

الصلاه والسلام على سيد الخلق اجمعين سيدنا محمد خاتم الانبياء والمرسلين

السلام عليكم ورحمه الله وبركاته ...

بصوا بقا يا شباب ..الموضوع باين من عنوانه وهو الربط الدائم بين الدين والكآبه

وكان كل انسان بيمشي على تعاليم دينه بيبقي كئيب ومعقد

لما نلقي شاب له لحيه او مبيسمعش اغانى او مش بيمشي مع بنات يبقي انسان متخلف من القرن الخامس عشر ومعقد

في بعض ومش هعمم البنات والشباب بقوا متاكدين ومعتنقين لفكره ان التدين هوا قمه الكآبه ..استغفر الله

يعنى هقول شويه امثله حيه وبتحصل قدام عنينا

مثلا لو في جروب شبابي كدا قاعدين ولا حاجه والاذان اذن ..وربنا كرم واحد فيهم

وقال لهم يلا يا شباب نصلي ... ممكن اوى الشاب ده ياخد شويه تعليقات يكره انه قام او فكر حتى يصلي

الى يقوله روح انت بس ادعيلنا يا بركه ..والى يقوله وقت تانى اصلي رايح اقابل سوسن

ومن ده كتيييييييييير ..وكان الراجل قال حاجه عيب ..تخليه يقعد يلوم في نفسه سنه

وياخد بقا من ده لما يشوفوه تانى مثلا

الشيخ وصل اهو ....ازيك يا سيدنا ...كيف الحال يا مولانا

ويا سلام لو حد شغل اغنيه لتيمو ولا دياب ولا حتى ابو الليف وراح قايله طب ما تسمع جديد سامى يوسف ..يا الله هياخد شويه كلام يكره بعدها نفسه ويبطل يتكلم في الدين

ونفس الكلام بيحصل مع البنات بس ممكن كمان ييجى بشكل تانى يعنى مثلا الحجاب الشرعى الى

هوا الواسع الفضاض الذى لا يشف ولا يصف ..وده بيتمثل حاليا ومن وجهه نظرى في الاسدال

والملحفه والنقاب ....طبعا دول بقا كل الى لابسهم بنات رخمه ومعقده ..شايفين الحياه سودا وكئيبه

والبنات غالبا بتبعد عنهم وعن صحبتهم زى عادل امام في الفيلم كدا

يا جماعه لازم نتقي الله شويه في نفسنا ...لما يبقي في شباب وبنات بتعمل كدا في دينها

بتتريق وبتستهزء بكل مظاهر دينها ..يبقي نقول على الدنيا السلام

يا جماعه الدين عمره ما كان كأبه ...لما احنا نعمل كدا في دينا الكفره يعملوا فينا ايه

ايه يعنى لما نعيش حياتنا بس برضى ربنا عنا ... فيها ايه لما نصلي ونسمع دروس وخطب وبرضوا نخرج ونفرفش ونعيش حياتنا

ليه بنخنق نفسنا بديننا ...ايه يعنى لما تتحجبي الحجاب الشرعي وتبقي انسانه مرحه وروحك حلوه وليك اصحاب وعايشه حياتك باحترام

ولا خايفه لا متتجوزيش ...والله هتتجوزى وهيجيلك احسن عريس برضى ربنا عنك

ما اهو اصلك لو فضلتى بالبدى الى هيفرقع والجينز والطرحه الى ملهاش لزمه دى هيجيلك

راجل ملوش لزمه برضوا مسقط البنطلون وعامل سيشوار

وانت يا بشمهندس الصلاه مش هتاخرك على سوسن ..صلي يمكن ربنا يرحمك منها

يا شباب ...يا بنات ....سيبكم بقاا من التفاهاااااااااات

ممكن بكره نبقي من تعداد الاموااااات ...خلاص خلونا ننسي الى فات

احنا هنعيش حياتنا من انهارده على نهج رسولنا الكريم ... هنعيش وهنموت

شباب في طاعه الله

والله موضوع مفيد جدا
الاسلام دواء لكل النفوس الكئيبة ومفرج الهموم
يسلمووو

» الدين والكأبة
» الثبات على الدين
» بعض المعلومات عن الفنانة مى عز الدين
» قصة حياة الاعب الاسطورة زين الدين زيدان
» مي عز الدين: لم أغازل المراهقين برقصي.. وأعتمر برمضان