يا تنآهيد الصدر خفي :( ....؟

ياتناهيـد الصـدر خفـي وخفـف يالنحيـب
كافي ان القلب بعـده مانـزع ثـوب الحـداد

ريح وضمد طعون القلب والجـرح العطيـب
مبطي تدمى وتخفي وانت فـي حالـه جهـاد

كن هم الحب سيل وكن صدري لـه شعيـب
مجتمع في صدري ويحصد من ضلوعي حصاد

وكنه أول حبنا نار(ن) يهـول ابهـا اللهيـب
وانطفت نار المحبه وأصبحت شبـه الرمـاد

من عقب ماكان طفل واسقيـه دمـي حليـب
وأحضنه بيدي وصدري له سياج وله مهـاد

وابتدت قصه فراقك يالـي مـن أول حبيـب
والغلآ جزيت عرقـه مـن معاليـق الفـؤآد

ولو تلف الكون كله منت لاقي لـك صحيـب
لأنك أصلآ ياحبيبي(سابقـا) تهـوى العنـاد

جرحي الي منـك جانـي مايداويـه الطبيـب
صفحتك ذكرى طوتها عين مـا ذاقـت رقـاد

عين مثل الغيمه ومآها من دموعـي سكيـب
وانبتت في وسط صدري حزن وهموم جـداد

والله ان صدري عن قصار الحبايل كالجليـب
تدخل دلاهـم وتطلـع ماخـذت منـي مـرآد

كنت أحسب اني مع العالم وآثرنـي كالغريـب
كنت أحسب اني فهيم ماأخطي الرآي الوكـاد

خبرو قلبي لو انـه مـا تناسـى هالحبيـب
لآ أتبرى منه رسمي وأجحـده قـدم العبـاد

مشكوووووووورة

مشكور على الطرح الجميل

» وصف الله علاج ضيق الصدر لرسوله الكريم